Ukol sa pangangalaga ng personal na impormasyon

1. Pangongolekta, paggamit at pagbibigay ng personal na impormasyon

Magtatatag kami ng sistema ng pangangalaga at pamamahala sa mga personal na impormasyon, magtatakda ng angkop na panloob na alituntunin ukol sa pangongolekta, paggamit at pagbibigay ng personal na impormasyon, at tutuparin ito.

2. Mga panukala sa kaligtasan ng mga personal na impormasyon

Magsasagawa kami ng tiyak na hakbang para sa pagpigil sa ilegal na access sa personal na impormasyon, at para sa pagkawala, pagkasira, panghuhuwad at pagtagas ng personal na impormasyon. Kung sakaling nagkaroon ng problema, agad na isasagawa ang panukala para sa pagtutuwid nito.

3. Pagkumpirma, pagwawasto at pagtigil ng paggamit sa personal na impormasyon

Kapag humiling ang mismong pasyente atbp. na kumpirmahin, iwasto o itigil ang paggamit sa personal na impormasyon, magsasagawa ng pagsisiyasat at angkop na pagtugon alinsunod sa mga ordinansa, alituntunin atbp.

4. Pagsunod sa mga batas at pamantayan ukol sa personal na impormasyon

Susundin namin ang mga batas, ordinansa at iba pang pamantayan ukol sa personal na impormasyon.

5. Edukasyon at patuloy na pagpapabuti

Upang tiyak na mapanatili ang sistema ng pangangalaga ng personal na impormasyon, isasagawa nang lubusan ang edukasyon at pagsasanay ng mga kawani, at patuloy na susuriin at pabubutihin ang mga panloob na alituntunin.

6. Pagbibigay at paglalantad ng impormasyon tungkol sa pagpapatingin at paggamot

Itinakda sa ibang bahagi ang ukol sa pagbibigay at paglalantad ng impormasyon tungkol sa pagpapatingin at paggamot.

Pagbibigay ng impormasyon tungkol sa pagpapatingin at paggamot

Kung may katanungan o pag-aalala tungkol sa sariling kalagayan ng sakit o paggamot, huwag mag-atubiling magtanong nang direkta at humingi ng paliwanag sa in-charge na doktor o nars. Walang natatanging aplikasyon para rito.

Paglalantad ng impormasyon tungkol sa pagpapatingin at paggamot

Kung nais tingnan o humingi ng kopya ng sariling rekord ng pagpapatingin at paggamot, huwag mag-atubiling sabihin ito sa in-charge na doktor o sa "document reception [bunsho uketsuke]" ng ika-1 palapag. May babayaran para sa pagpapalantad o pagpapakopya, kaya't hinihingi namin ang inyong pag-unawa sa bagay na ito.

Pagwawasto sa nilalaman ng personal na impormasyon at pagtigil sa paggamit nito

Ang tinutukoy ng personal na impormasyon ay ang pangalan, tirahan at iba pang impormasyon na nakakatulong sa pagtukoy ng isang indibidwal.
Kung sa tingin ay iba sa katunayan ang hawak ng ospital na personal na impormasyon (impormasyon tungkol sa pagpapatingin at paggamot, atbp.), maaaring humiling na iwasto ang nilalaman nito o itigil ang paggamit nito. Ipaalam lamang ito sa in-charge na doktor. Kami ay tutugon pagkatapos magsagawa ng pagsisiyasat.

Layunin sa paggamit ng personal na impormasyon

Ang personal na impormasyon ay hindi gagamitin sa ibang bagay na hindi saklaw ng orihinal na layunin sa paggamit, maliban lamang sa mga sumusunod.
Bukod sa paggamit nito sa pagtingin at paggamot, maaari ring gamitin ang personal na impormasyon para sa pamamahala ng ospital, edukasyon at pagsasanay; pagsunod sa utos ng pamahalaan; pakikipagtulungan sa ibang medical, caregiving o welfare institution; atbp. Maaari ring gamitin ito sa pag-uulat para sa ebalwasyon ng ospital na isinasagawa ng panlabas na institusyon, o kaya ay para sa kumperensiya, publikasyon, atbp. sa paraan na hindi matutukoy ang pangalan ng indibidwal.
Ang ospital na ito ay itinalaga bilang ospital para sa postgraduate clinical training ng mga doktor at ospital para sa practical training at pagsasanay ng mga may medikal na propesyon, kung kaya’t may pagkakataon na sumabay ang mga medical intern, estudyante ng medikal na propesyon, atbp. sa pagtingin at paggamot, pangangalaga, proseso, atbp. sa layunin na sila ay sanayin at pahusayin. Nagsasagawa din ng sapat na paggabay sa mga nagsasanay tungkol sa pangangalaga ng personal na impormasyon.
Sa ospital na ito, may pagkakataong ipauubaya ang ilan sa mga gawain sa panlabas na pasilidad atbp., at pinipili namin ang mga pasilidad atbp. na mapagkakatiwalaan. Sa pagkakataong ito, kung kinakailangang ipaalam sa pasilidad atbp. ang personal na impormasyon ng pasyente, hindi lamang pinipili ang mapagkakatiwalaang pasilidad atbp. ngunit bumubuo rin ng kontrata upang hindi magamit sa maling paraan ang personal na impormasyon ng pasyente.

Pagkumpirma at pagbabago sa kagustuhan

May pagkakataon na kokontak ang ospital para lamang sa mga bagay na kailangang tugunan sa lalong madaling panahon, tungkol sa pagbabago ng paggamot, outpatient reservation (pagpapatingin, pagsusuri, proseso, paggabay, atbp.) o iskedyul ng panunuluyan sa ospital, o kaya ay para kumumpirma tungkol sa benepisyo sa medikal na pagpapagamot, health insurance card, atbp. Kung nais na kumontak ang ospital sa mismong pasyente lamang, ipaalam ito sa amin. Ipaalam din kung hindi gustong kumontak ang ospital.
Sa mga outpatient atbp., ginagamit ang pangalan sa pagtawag upang maiwasan ang aksidente at masiguro ang kaligtasan.
Ipaalam lamang kung may natatanging limitasyon o kagustuhan ukol sa paggamot dahil sa lagay ng katawan, relihiyon, atbp.
Kung may naipasa nang kagustuhan, maaari itong baguhin sa anumang oras. Huwag mag-atubiling sabihin ito.

1. Paggamit sa loob ng ospital

1. Medikal na serbisyo na ibinibigay sa pasyente (kabilang ang mga pagsusuri at pagtingin, at pagsusuri sa kalusugan)
2. Pamamahagi at paggamit ng impormasyon sa pagitan ng mga pagamutan atbp.
3. Mga gawaing pang-opisina ukol sa medical insurance
4. Pamamahala sa mga hospital ward para sa panunuluyan o paglabas ng ospital, atbp.
5. Accounting
6. Pagrereport tungkol sa mga medikal na aksidente atbp.
7. Pagpapabuti sa medikal na serbisyo para sa pasyente
8. Pakikipagtulungan para sa medikal na practical training, edukasyon at pagsasanay sa loob ng ospital
9. Pananaliksik ng mga kaso sa loob ng ospital para sa layuning pabutihin ang kalidad ng medikal na paggamot
10. Pagrehistro ng impormasyon para sa pagpaparehistro ng cancer sa ospital
11. Paggamit ng impormasyon sa pagpaparehistro ng cancer sa ospital
12. Iba pang gawain ukol sa pamamahala at administrasyon na may kaugnayan sa pasyente

2. Paggamit sa pamamagitan ng pamamahagi ng impormasyon sa labas ng ospital

1. Pakikipagtulungan sa ibang ospital, pagamutan, maternity hospital, botika, home nursing station, kumpanyang nagbibigay ng caregiving service, atbp.
2. Pagsagot sa mga katanungan ng ibang medikal na institusyon atbp.
3. Paghingi ng opinyon o payo mula sa mga doktor atbp. sa ibang institusyon, para sa pagtingin at paggamot ng pasyente
4. Pagpapaubaya ng mga gawain para sa laboratory test atbp.
5. Pagpapaliwanag ng kalagayan ng sakit sa pamilya atbp.
6. Pagpapaubaya ng mga gawaing kaugnay ng insurance
7. Pagbibigay ng resibo sa Examination and Payment Agency o sa insurer
8. Pagsagot sa mga katanungan ng Examination and Payment Agency o ng insurer
9. Pagpapaunawa sa mga kumpanya atbp. ng resulta ng pagsusuri sa kalusugan na ipinaubaya nito sa ospital
10. Konsultasyon, pagbibigay-alam, atbp. sa mga dalubhasang grupo ukol sa medikal na paggamot o insurance company, atbp. tungkol sa medical professional liability insurance atbp.
11. Pag-uulat sa ika-3 partidong institusyon para sa pagpapabuti ng kalidad, pagtiyak sa kaligtasan, at pagtugon at pag-iwas sa mga medikal na aksidente
12. Pagbibigay-alam o pag-uulat sa mga ahensiya ng pamahalaan at ahensiya ng hukuman, atbp. alinsunod sa mga kaugnay na batas atbp.
13. Pagsagot sa mga katanungan ng pulis o bumbero ukol sa mga kaso at aksidente
14. Pagbibigay ng impormasyon sa pulis o bumbero ukol sa mga hindi makilalang tao sa mga malalaking sakuna
15. Kapag nagtatanong sa iba pang mga medikal na institusyon o mga pampublikong institusyon tungkol sa kasunod na nangyari sa pasyente para sa pagpaparehistro ng canser sa ospital
16. Pamamahagi ng impormasyon sa pambansa o lokal na pamahalaan sa pamamagitan ng pagpaparehistro ng cancer sa buong bansa alinsunod sa Cancer Registry Promotion Act
17. Iba pang paggamit kaugnay ng mga gawain ukol sa medical insurance ng pasyente

3. Iba pang paggamit

1. Batayang dokumento para sa pagpapanatili at pagpapabuti ng mga medikal na serbisyo at caregiving service at mga gawaing kaugnay nito
2. Pamamahagi ng impormasyon sa panlabas na sumusuring ahensiya
3. Pag-uulat sa mga kumperensiya, medical journal, atbp.
4. Paggawa ng dokumento para sa pagkuha ng lisensya bilang dalubhasang doktor, sertipikadong doktor, atbp. ng kumperensiya
5. Pagtingin sa mga talaang medikal at pagbibigay ng mga sample at impormasyong nauugnay sa medikal na pananaliksik, atbp.